Prezident Guliston shahridagi fojia qurbonlarini ziyorat qildi
Prezident Shavkat Mirziyoyev Respublika shoshilinch tibbiy yordam ilmiy markazining Sirdaryo filialiga tashrif buyurdi
justify;">Bu yerda ikki kun avval Guliston shahridagi umumiy ovqatlanish shoxobchalaridan birida gaz balloni portlashi oqibatida jabrlanganlar davolanmoqda.
Markaz rahbariyati va shifokorlar Prezidentga bemorlarning ahvoli, davolash jarayonining borishi haqida ma’lumot berdi. Davlatimiz rahbari turli darajadagi tan jarohati olgan fuqarolar joylashgan palatalarga kirib, hol-ahvol so‘radi, oila a’zolari bilan suhbatlashdi.
Prezident jabrlanganlarga barcha zarur tibbiy yordam ko‘rsatilishini qat’iy nazoratga olish bo‘yicha mas’ul mutasaddilarga topshiriq berdi. Halok bo‘lganlarning oila a’zolariga hamdardlik bildirib, ularga moddiy yordam ko‘rsatish zarurligini ta’kidladi.
Vakolatli organlarga hodisa sabablarini har tomonlama o‘rganish, qonun ustuvorligini ta’minlash, kelgusida bunday holatlarning oldini olish choralarini ko‘rish va yong‘in xavfsizligi talablariga rioya etilishi ustidan nazoratni kuchaytirish
ga topshirildi.O'xshash yangiliklar
Oʼzbekiston turkiy davlatlar bilan iqtisodiy hamkorlikni amaliy bosqichga oʼtkazdi
Turkiy davlatlar tashkilotining Аnqarada oʼtkazilishi rejalashtirilgan 13-sammiti arafasida tashkilot doirasidagi iqtisodiy hamkorlik yangi mazmun kasb etmoqda.
Turkiy dunyoda suv xavfsizligi: mushtarak manfaatlar va umumiy yechimlar
Suv — millat va davlat chegaralarini tan olmaydigan, xalqlarni oʼzaro bogʼlaydigan ulugʼ neʼmat. Iqlim oʼzgarishi, aholi va iqtisodiyotning oʼsishi, qurgʼoqchilik davrlarining uzayishi, muzliklarning qisqarishi, suv manbalarining ifloslanishi va suvga boʼlgan talabning ortishi mamlakatlardan bu hayotiy resursga munosabatni tubdan qayta koʼrib chiqishni talab etmoqda.
Markaziy Osiyoda siyosiy oʼzaro ishonch iqtisodiy kapitalga aylanmoqda
Markaziy Osiyoda soʼnggi yillarda roʼy berayotgan oʼzgarishlarni oddiy diplomatik yaqinlashuv deb baholash qiyin. Bu jarayon mintaqaning iqtisodiy manzarasini ham oʼzgartirmoqda.