O‘zbekiston tashqi ishlar vaziri Avstriya tashqi ishlar vaziri va ichki ishlar vaziri bilan uchrashdi
7-may kuni O‘zbekiston Respublikasi tashqi ishlar vaziri Baxtiyor Saidov Avstriya Respublikasi tashqi ishlar vaziri Beate Maynl-Rayzinger va ichki ishlar vaziri Gerxard Karner bilan uchrashdi.
7-may kuni O‘zbekiston Respublikasi tashqi ishlar vaziri Baxtiyor Saidov Avstriya Respublikasi tashqi ishlar vaziri Beate Maynl-Rayzinger va ichki ishlar vaziri Gerxard Karner bilan uchrashdi.
«Bugun Toshkentda Avstriya tashqi ishlar vaziri Beate Maynl-Rayzinger va ichki ishlar vaziri Gerxard Karner bilan samarali uchrashuv bo‘lib o‘tdi, – deb yozdi O‘zbekiston TIV rahbari o‘zining telegram-kanalida. – Muzokaralar davomida O‘zbekiston–Avstriya munosabatlarini yana-da rivojlantirish, siyosiy muloqotni faollashtirish, savdo-iqtisodiy va investitsiyaviy hamkorlikni kengaytirish masalalariga alohida eʼtibor qaratildi.
Shuningdek, xavfsizlik, migratsiya, taʼlim, turizm, “yashil” energetika va madaniy-gumanitar sohalardagi hamkorlik istiqbollarini muhokama qildik. Avstriyaning ilg‘or tajribasi va texnologiyalarini jalb qilishga o‘zaro qiziqish bildirildi.
Xalqaro va mintaqaviy kun tartibidagi dolzarb masalalar yuzasidan fikr almashdik».
O'xshash yangiliklar
4–6 iyun-kunlari Toshkentda Markaziy va Janubiy Osiyo o‘rtasidagi o‘zaro bog‘liqlik bo‘yicha Termiz muloqotining ikkinchi yig‘ilishi bo‘lib o‘tadi
2026-yil 4–6-iyun kunlari Toshkent shahrida “Tinchlik, o‘zaro bog‘liqlik, barqarorlik: umumiy farovonlik poydevorini shakllantirish” mavzusida Markaziy va Janubiy Osiyo o‘rtasidagi o‘zaro bog‘liqlik bo‘yicha Termiz muloqotining ikkinchi yig‘ilishi o‘tkaziladi.
Oʻzbekiston va Qozogʻiston oʻrtasida savdo-iqtisodiy hamkorlik boʻyicha “yoʻl xaritasi” imzolandi
Ostonaga amaliy tashrif doirasida Oʻzbekiston Respublikasi Prezidenti Shavkat Mirziyoyev va Qozogʻiston Respublikasi Prezidenti Qasim-Jomart Toqayev huzurida Investitsiya va savdo sohalarida erishilgan kelishuvlarni amalga oshirish bo‘yicha amaliy harakatlar rejasini imzolash marosimi bo‘lib o‘tdi.
Oʻzbekiston Prezidenti YOII sammitida ishtirok etdi
Oʻzbekiston Respublikasi Prezidenti Shavkat Mirziyoyev 29-may kuni Ostona shahrida Oliy Yevroosiyo iqtisodiy kengashining navbatdagi yigʻilishida kuzatuvchi davlat rahbari maqomida ishtirok etdi.