Birlashgan Millatlar Tashkilotining Taraqqiyot dasturi rahbari bilan uchrashuv to‘g‘risida
O‘zbekiston Respublikasi tashqi ishlar vaziri maslahatchisi Munira Aminova O‘zbekistondagi Birlashgan Millatlar Tashkilotining Taraqqiyot dasturi (BMTTD) rahbari Akikо Fujii bilan uchrashuv o‘tkazdi.
2026-yil 30-mart kuni O‘zbekiston Respublikasi tashqi ishlar vaziri maslahatchisi Munira Aminova O‘zbekistondagi Birlashgan Millatlar Tashkilotining Taraqqiyot dasturi (BMTTD) rahbari Akikо Fujii bilan uchrashuv o‘tkazdi.
Muloqot davomida amaldagi hamkorlik darajasiga yuqori baho berildi hamda uni yanada mustahkamlashga ishonch bildirildi.
Xususan, “yashil” iqtisodiyot va ekologik tashabbuslarni ilgari surish, Orolbo‘yi mintaqasida loyihalarni yanada rivojlantirish, shuningdek, kiberxavfsizlik va qishloq xo‘jaligi sohalarida hamkorlikni kengaytirishga alohida e’tibor qaratish taklif etildi.
Tomonlarning hamkorlikni yanada chuqurlashtirishga o‘zaro tayyor ekanligi tasdiqlandi.
O'xshash yangiliklar
4–6 iyun-kunlari Toshkentda Markaziy va Janubiy Osiyo o‘rtasidagi o‘zaro bog‘liqlik bo‘yicha Termiz muloqotining ikkinchi yig‘ilishi bo‘lib o‘tadi
2026-yil 4–6-iyun kunlari Toshkent shahrida “Tinchlik, o‘zaro bog‘liqlik, barqarorlik: umumiy farovonlik poydevorini shakllantirish” mavzusida Markaziy va Janubiy Osiyo o‘rtasidagi o‘zaro bog‘liqlik bo‘yicha Termiz muloqotining ikkinchi yig‘ilishi o‘tkaziladi.
Oʻzbekiston va Qozogʻiston oʻrtasida savdo-iqtisodiy hamkorlik boʻyicha “yoʻl xaritasi” imzolandi
Ostonaga amaliy tashrif doirasida Oʻzbekiston Respublikasi Prezidenti Shavkat Mirziyoyev va Qozogʻiston Respublikasi Prezidenti Qasim-Jomart Toqayev huzurida Investitsiya va savdo sohalarida erishilgan kelishuvlarni amalga oshirish bo‘yicha amaliy harakatlar rejasini imzolash marosimi bo‘lib o‘tdi.
Oʻzbekiston Prezidenti YOII sammitida ishtirok etdi
Oʻzbekiston Respublikasi Prezidenti Shavkat Mirziyoyev 29-may kuni Ostona shahrida Oliy Yevroosiyo iqtisodiy kengashining navbatdagi yigʻilishida kuzatuvchi davlat rahbari maqomida ishtirok etdi.