O‘zbekiston Prezidenti Yaponiyaga rasmiy tashrif bilan boradi

style="text-align: justify;">Tokio shahrida bo‘lish dasturiga muvofiq, Yaponiya Imperatori Naruxito, Bosh vazir Sanae Takaichi, parlament rahbariyati, hukumat a’zolari, siyosiy partiyalar vakillari, shuningdek, Yaponiyaning yetakchi universitetlari rektorlari bilan uchrashuv va muzokaralar o‘tkazish rejalashtirilgan. Kun tartibidan O‘zbekiston-Yaponiya strategik sheriklik va ko‘p qirrali hamkorlik munosabatlarini yanada kengaytirish va chuqurlashtirish masalalari o‘rin olgan.

Ishbilarmonlik dasturi doirasida Yaponiyaning yirik kompaniyalari va moliya institutlari rahbarlari ishtirokida uchrashuv va tadbirlar rejalashtirilgan. Savdo-iqtisodiy hamkorlikni kengaytirish, investitsiya loyihalarini ilgari surish masalalari tubdan ko'rib chiqiladi. Ikki tomonlama mustahkam hujjatlar to‘plami qabul qilinishi kutilmoqda.

O‘zbekiston Prezidenti “Markaziy Osiyo + Yaponiya” muloqoti davlat rahbarlarining birinchi sammitida ham ishtirok etadi, uning doirasida yashil iqtisodiyot va barqaror rivojlanish, o‘zaro bog‘liqlik va mintaqaviy sheriklikni mustahkamlash kabi ustuvor yo‘nalishlarda hamkorlik istiqbollari, shuningdek, inson resurslarini rivojlantirish masalalari muhokama qilinadi. style="text-align: justify;">Sammit yakunlari boʻyicha Tokio deklaratsiyasini qabul qilish rejalashtirilgan.

O'xshash yangiliklar

4–6 iyun-kunlari Toshkentda Markaziy va Janubiy Osiyo o‘rtasidagi o‘zaro bog‘liqlik bo‘yicha Termiz muloqotining ikkinchi yig‘ilishi bo‘lib o‘tadi

Oʻzbekiston va Qozogʻiston oʻrtasida savdo-iqtisodiy hamkorlik boʻyicha “yoʻl xaritasi” imzolandi

Oʻzbekiston Prezidenti YOII sammitida ishtirok etdi