O‘zbekiston tashqi ishlar vaziri Hindiston Prezidenti tomonidan qabul qilindi
3-avgust kuni Nyu-Dehli shahrida O‘zbekiston tashqi ishlar vaziri Baxtiyor Saidov boshchiligidagi delegatsiya Hindiston Prezidenti Draupadi Murmu tomonidan qabul qilindi.
3-avgust kuni Nyu-Dehli shahrida O‘zbekiston tashqi ishlar vaziri Baxtiyor Saidov boshchiligidagi delegatsiya Hindiston Prezidenti Draupadi Murmu tomonidan qabul qilindi.
«Bugun Nyu-Dehlida Hindiston Prezidenti Draupadi Murmu qabulida bo‘lganimizdan mamnunmiz, – deb yozdi O‘zbekiston TIV rahbari o‘zining telegram-kanalida. – Uchrashuv avvalida O‘zbekiston Prezidenti Shavkat Mirziyoyevning samimiy salomi va ezgu tilaklarini yetkazdik.
Siyosiy muloqotni yana-da faollashtirish, savdo-iqtisodiy va investitsiyaviy hamkorlikni kengaytirish, madaniy-gumanitar aloqalarni mustahkamlash masalalari yuzasidan fikr almashdik.
Shuningdek, mintaqaviy va xalqaro kun tartibidagi dolzarb masalalar hamda xalqaro tashkilotlar doirasidagi hamkorlik istiqbollarini muhokama qildik.
Samimiy qabul uchun Prezidentga chuqur minnatdorlik bildirib, ikki mamlakat tashqi siyosat idoralari O‘zbekiston va Hindiston o‘rtasidagi strategik sheriklikni yana-da mustahkamlash bo‘yicha izchil hamkorlikdagi saʼy-harakatlarni davom ettirishga tayyor ekanini bildirdik».
O'xshash yangiliklar
Munosib sheriklikning nurli istiqbollari
Davlatlararo munosabatlarning haqiqiy quvvati faqat siyosiy kelishuvlar yoki iqtisodiy koʼrsatkichlar bilan oʼlchanmaydi. Xalqlar bir-birini qanchalik yaxshi anglasa, bir-birining tarixi, madaniyati va qadriyatlariga qanchalik hurmat bilan yondashsa, munosabatlar shunchalik mustahkam va barqaror boʼladi.
Jazoir elchisi bilan uchrashuv to‘g‘risida
2026-yil 21-avgust kuni O‘zbekiston Respublikasi tashqi ishlar vazirining birinchi o‘rinbosari Bahromjon A’loyev Jazoir Xalq Demokratik Respublikasining mamlakatimizdagi Favqulodda va Muxtor Elchisi Jamila Ashur bilan uchrashuv o‘tkazdi.
Oʼzbekistonda biznes raqamlashtirishdan texnologik yangilanishga oʼtmoqda
Iqtisodiy tadqiqotlar va islohotlar markazi (ITIM) Savdo-sanoat palatasi (SSP) bilan hamkorlikda mamlakatimizning sifat jihatidan yangi bosqichga oʼtayotgan biznes muhitini oʼrganish maqsadida barcha hududlardan 5 mingdan ortiq tadbirkor oʼrtasida keng koʼlamli soʼrovnoma oʼtkazdi.