Turkiy davlatlar tashkiloti doirasidagi ta’lim va ilmiy hamkorlik masalalari muhokama qilindi
2026-yil 9-iyul kuni Tashqi ishlar vazirligida Davlat rahbari tomonidan Turkiy davlatlar tashkiloti doirasida ta’lim, ilm-fan va innovatsiyalar sohasida ilgari surilgan tashabbuslar ijrosiga bag‘ishlangan yig‘ilish bo‘lib o‘tdi.
2026-yil 9-iyul kuni Tashqi ishlar vazirligida Davlat rahbari tomonidan Turkiy davlatlar tashkiloti doirasida ta’lim, ilm-fan va innovatsiyalar sohasida ilgari surilgan tashabbuslar ijrosiga bag‘ishlangan yig‘ilish bo‘lib o‘tdi.
Gibrid formatda o‘tgan ushbu tadbirda Oliy ta’lim, fan va innovatsiyalar vazirligi, Fanlar akademiyasi, “O‘zbekkosmos”agentligi, Qatag‘on qurbonlari xotirasi davlat muzeyi hamda Turkiy universitetlar ittifoqiga (TURKUNIB) a’zo oliy ta’lim muassasalaridan 30 nafarga yaqin vakillar ishtirok etdi.
Yig‘ilish davomida mamlakatimizning TURKUNIBdagi raisligi doirasida amalga oshirilgan ishlar, Orxun akademik almashinuv dasturining joriy holati, Markaziy Osiyo atrof-muhit va iqlim o‘zgarishlarini o‘rganish universitetida turkiy davlatlar yoshlari uchun ta’lim grantlarini joriy etish, shuningdek, Turkiy davlatlar xalqaro universiteti negizida qo‘shma tadqiqotlarni qo‘llab-quvvatlash dasturini ishlab chiqish masalalari muhokama qilindi.
Shuningdek, tashkilot doirasida joriy yilda o‘tkazilishi rejalashtirilgan tadbirlarga tayyorgarlik ko‘rish masalalari, jumladan, “Turkiy ilm-fan va innovatsiyalar kunlari” hamda “Nizomiy Ganjaviy va Alisher Navoiy ijodi – Turkiy dunyo ma’naviy hayotida” mavzusidagi xalqaro ilmiy konferensiyaga tayyorgarlik ishlari yuzasidan atroflicha fikr almashildi.
O'xshash yangiliklar
O‘zbekiston va Shri-Lanka tashqi ishlar vazirliklari o‘rtasida bo‘lib o‘tgan siyosiy maslahatlashuvlarning 1-davrasiga oid
9-iyul kuni Toshkent shahrida O‘zbekiston Respublikasi va Shri-Lanka tashqi ishlar vazirliklari o‘rtasida siyosiy maslahatlashuvlarning birinchi davrasi o‘tkazildi.
O’zbekiston Respublikasining tiirizm salohiyati va xavfsiz turistik yo‘naish sifatidagi imijini targ’ib qilish bo’yicha asosiy axborot materiallari
O‘zbekiston dunyoning eng xavfsiz mamlakatlaridan biri
Pokiston kompaniyalari Qoraqalpog‘istonda sport anjomlari ishlab chiqarish bo‘yicha qo‘shma loyihani amalga oshirishga qiziqish bildirdi
Qoraqalpog‘iston Respublikasi Vazirlar kengashi raisi Farhod Ermanov va O‘zbekiston elchisi Alisher To‘xtayev boshchiligidagi mamlakatimiz delegatsiyasi Pokistonning sport anjomlari ishlab chiqarishga ixtisoslashgan yirik kompaniyalarni birlashtirgan Sialkot shahriga tashrif buyurdi.