O‘zbekiston va Turkiya tashqi ishlar vazirlari telefon orqali muloqot o‘tkazdi
25-mart kuni O‘zbekiston Respublikasi tashqi ishlar vaziri Baxtiyor Saidov va Turkiya Respublikasi tashqi ishlar vaziri Hakan Fidan o‘rtasida telefon orqali muloqot bo‘lib o‘tdi.
25-mart kuni O‘zbekiston Respublikasi tashqi ishlar vaziri Baxtiyor Saidov va Turkiya Respublikasi tashqi ishlar vaziri Hakan Fidan o‘rtasida telefon orqali muloqot bo‘lib o‘tdi.
Muloqot davomida kengayib borayotgan ikki tomonlama va mintaqaviy hamkorlikning ustuvor yo‘nalishlari muhokama qilindi, Oliy darajada erishilgan kelishuvlar ijrosini ta’minlashning amaliy mexanizmlari ko‘rib chiqildi, shuningdek, bo‘lajak qo‘shma tadbirlar yuzasidan fikr almashildi.
Yaqin Sharqdagi vaziyatga to‘xtalib, mavjud masalalarni faqat muloqot va diplomatik yo‘llar orqali hal etilishi zarurligi ta’kidlandi.
Suhbat yakunida strategik sheriklikni yanada rivojlantirish va uning salohiyatidan to‘liq foydalanish bo‘yicha qo‘shma sa’y-harakatlarni kuchaytirishga kelishib olindi.
O'xshash yangiliklar
4–6 iyun-kunlari Toshkentda Markaziy va Janubiy Osiyo o‘rtasidagi o‘zaro bog‘liqlik bo‘yicha Termiz muloqotining ikkinchi yig‘ilishi bo‘lib o‘tadi
2026-yil 4–6-iyun kunlari Toshkent shahrida “Tinchlik, o‘zaro bog‘liqlik, barqarorlik: umumiy farovonlik poydevorini shakllantirish” mavzusida Markaziy va Janubiy Osiyo o‘rtasidagi o‘zaro bog‘liqlik bo‘yicha Termiz muloqotining ikkinchi yig‘ilishi o‘tkaziladi.
Oʻzbekiston va Qozogʻiston oʻrtasida savdo-iqtisodiy hamkorlik boʻyicha “yoʻl xaritasi” imzolandi
Ostonaga amaliy tashrif doirasida Oʻzbekiston Respublikasi Prezidenti Shavkat Mirziyoyev va Qozogʻiston Respublikasi Prezidenti Qasim-Jomart Toqayev huzurida Investitsiya va savdo sohalarida erishilgan kelishuvlarni amalga oshirish bo‘yicha amaliy harakatlar rejasini imzolash marosimi bo‘lib o‘tdi.
Oʻzbekiston Prezidenti YOII sammitida ishtirok etdi
Oʻzbekiston Respublikasi Prezidenti Shavkat Mirziyoyev 29-may kuni Ostona shahrida Oliy Yevroosiyo iqtisodiy kengashining navbatdagi yigʻilishida kuzatuvchi davlat rahbari maqomida ishtirok etdi.