Özbekiston taşqi işlar vaziri Birlaşgan Arab Amirliklari Boş vaziri örinbosari, taşqi işlar vaziri bilan telefon orqali muloqot qildi

27-oktabr kuni Özbekiston Respublikasi taşqi işlar vaziri Baxtiyor Saidov Birlaşgan Arab Amirliklari Boş vaziri örinbosari, taşqi işlar vaziri şayx Abdulla bin Zoid Ol Nahayon bilan telefon orqali muloqot qildi.

«Birlaşgan Arab Amirliklari Boş vaziri örinbosari, taşqi işlar vaziri şayx Abdulla bin Zoid Ol Nahayon Hazrati Oliylari bilan telefon orqali samarali muloqot ötkazdik, – deb yozdi Özbekiston taşqi işlar vaziri o‘zining telegram-kanalida. – Suhbat davomida Özbekiston va BAA örtasidagi strategik şeriklikni yanada mustahkamlaş, savdo-iqtisodiy va investitsiyaviy hamkorlikni kengaytiriş, energetika, infratuzilma, raqamli texnologiyalar va boşqa istiqbolli yönalişlarda qöşma loyihalarni ilgari suriş masalalarini muhokama qildik.

BMT va boşqa xalqaro taşkilotlar doirasidagi hamkorlik masalalariga ham alohida eʼtibor qaratdik.

Şuningdek, Yaqin Şarqdagi vaziyat yuzasidan fikr almaşib, mavjud muammolarni diplomatik yöl bilan hal etiş, mintaqada tinçlik va barqarorlikni taʼminlaş muhimligini taʼkidladik.

Özbekiston va BAA örtasidagi mustahkam döstlik va özaro işonçga asoslangan munosabatlarni yanada rivojlantiriş, hamkorligimizni yangi amaliy natijalar bilan boyitişga tayyorligimizni tasdiqladik».