Toshkent “Transport va logistika – TransLogistica Uzbekistan 2026” 22-xalqaro koʼrgazmasiga mezbonlik qiladi

2026-yil 10-12-noyabr kunlari poytaxtimizdagi “Oʼzekspomarkaz” milliy koʼrgazmalar majmuasida “Transport va logistika – TransLogistica Uzbekistan 2026” 22-xalqaro koʼrgazmasi boʼlib oʼtadi.

“TransLogistica Uzbekistan” – mamlakatning yetakchi ixtisoslashgan maydoni boʼlib, u yerda transport-logistika xizmatlarini yetkazib beruvchilar, ishlab chiqaruvchilar va buyurtmachilar bevosita uchrashishi, hamkorlikni yoʼlga qoʼyishi, biznesni rivojlantirish uchun yechimlar topishi hamda bozorda oʼz mavqeini oshirishi mumkin.

Koʼrgazmada quyidagilar namoyish etiladi:

• transportning barcha turlari: temir yoʼl, avtomobilь, aviatsiya va dengiz transporti sohasidagi soʼnggi ishlanmalar va innovatsiyalar;

• yuk tashish va ombor jarayonlarini optimallashtirishga qaratilgan zamonaviy logistika xizmatlari hamda raqamli yechimlar;

• davlat infratuzilmaviy loyihalari va xalqaro transport yoʼlaklarining istiqbolli yoʼnalishlari;

• temir yoʼllar, dengiz portlari va logistika markazlarini qurish, harakat tarkibini ishlab chiqarish boʼyicha yetakchi kompaniyalarning tajribasi.

Oʼtgan yil yakunlariga koʼra, koʼrgazma biznes uchun oʼz samaradorligini yana bir bor tasdiqladi: ishtirokchilarning 92 foizi koʼrgazmada yangi mijozlar va hamkorlar topdi, eksponentlarning 87 foizi esa kelgusi yilda ishtirok etish niyatini bildirdi. Bu toʼgʼridan-toʼgʼri ishbilarmonlik aloqalari va uzoq muddatli hamkorlik uchun mazkur maydonchaning yuqori salohiyatini va uning professional auditoriya orasida talabgirligini taʼkidlaydi.

Bugungi kunga qadar 11 mamlakatdan 70 dan ortiq ishtirokchi “TransLogistica Uzbekistan 2026” koʼrgazmasida ishtirok etishini tasdiqladi. Ular BАА, Belarus, Gruziya, Koreya Respublikasi, Latviya, Litva, Niderlandiya, Qozogʼiston, Rossiya, Xitoy va Oʼzbekiston vakillaridir.

“TransLogistica Uzbekistan” bozor yetakchilari, xalqaro ekspertlar va transport-logistika sohasi mutaxassislarini birlashtirib, Markaziy Osiyoda transport infratuzilmasi va IT-texnologiyalarni rivojlantirish, investitsiyalarni jalb etish hamda yuk tashish hajmini oshirish uchun maydoncha yaratadi.

Markaziy Osiyoni xalqaro bozorlar bilan bogʼlaydigan Oʼrta yoʼlakning yangi logistika yoʼnalishlari va rivojlanish imkoniyatlariga alohida eʼtibor qaratilmoqda. Ishtirokchilar uchun bu transport va logistika sohasidagi yechimlarni taqdim etish, biznes hamkorlar topish va istiqbolli loyihalarni muhokama qilish imkoniyatidir.

Koʼrgazma boʼlimlari:

• avia tashish va aviatsiya logistikasi;

• yuk ekspeditsiyasi va 3PL/4PL;

• avtomobilь yuk tashishlari;

• temir yoʼl yuk tashishlari va mulьtimodal tashishlar;

• omborxonalar va ichki logistika;

• tijorat transporti;

• elektrotransport va elektromobillar;

• elektromobillar uchun quvvatlash infratuzilmasi;

• avtoparkni elektrlashtirish;

• vilkali yuklagichlar va ombor uskunalari;

• omborlarni avtomatlashtirish va robototexnika;

• avtoparkni boshqarish va telematika;

• TMS/WMS va raqamli logistika;

• logistika markazlari va terminallari.

“TransLogistica Uzbekistan-2026” koʼrgazmasiga tashrif buyurish bozorning dolzarb takliflarini baholash, turli yetkazib beruvchilarning yechimlarini solishtirish va hamkorlik shartlarini bevosita muhokama qilish imkonini beradi.

Toshkentdagi navbatdagi nufuzli forum "Iteca Exhibitions" xalqaro koʼrgazmalar kompaniyasi tomonidan ICA Eurasia Group bilan hamkorlikda tashkil etilmoqda.