Davlatimiz rahbari amaliy tashrif bilan Turkiyada boʻladi
Oʻzbekiston Respublikasi Prezidenti Shavkat Mirziyoyev Turkiya Respublikasi Prezidenti Rejep Tayyip Erdogʻanning taklifiga binoan Birlashgan Millatlar Tashkilotining Iqlim oʻzgarishi boʻyicha Hadli konvensiyasi tomonlari konferensiyasining 31-sessiyasi (COP31) tadbirlarida ishtirok etish uchun 10-11-noyabr kunlari Antaliya shahrida boʻladi.
Oʻzbekiston Respublikasi Prezidenti Shavkat Mirziyoyev Turkiya Respublikasi Prezidenti Rejep Tayyip Erdogʻanning taklifiga binoan Birlashgan Millatlar Tashkilotining Iqlim oʻzgarishi boʻyicha Hadli konvensiyasi tomonlari konferensiyasining 31-sessiyasi (COP31) tadbirlarida ishtirok etish uchun 10-11-noyabr kunlari Antaliya shahrida boʻladi.
Iqlim boʻyicha global sammitda davlatlar va hukumatlar, nufuzli xalqaro tashkilotlar va moliya institutlari rahbarlari hamda yuqori darajadagi delegatsiyalar ishtirok etadi.
Anjuman kun tartibidan BMTning Iqlim oʻzgarishi toʻgʻrisidagi Hadli konvensiyaning asosiy qoidalarini roʻyobga chiqarish, zamonaviy ekologik xatar va tahdidlarga qarshi kurashish hamda “yashil” taraqqiyot maqsad va vazifalarini ilgari surish borasida keng koʻlamli xalqaro hamkorlikni rivojlantirish masalalari oʻrin olgan.
Davlatimiz rahbari sammitning yalpi sessiyasida nutq soʻzlaydi hamda qator ikki tomonlama uchrashuv va muzokaralar oʻtkazadi.
Taʼkidlash joizki, Oʻzbekiston BMTning Hadli konvensiyasiga 1993-yilda qoʻshilgan. 2018-yilda mamlakatimiz Parij bitimining ishtirokchisiga aylandi.
O'xshash yangiliklar
Oʻzbekistonning Orolni qutqarish xalqaro jamgʻarmasiga raisligida amalga oshiriladigan loyihalar koʻrib chiqildi
Prezident Shavkat Mirziyoyev Oʻzbekistonning Orolni qutqarish xalqaro jamgʻarmasiga raisligi davrida amalga oshirish rejalashtirilgan loyihalar taqdimoti bilan tanishdi.
Prezidentimiz Yuqori Chirchiqdagi yirik elektrotexnika korxonasi imkoniyatlari bilan tanishdi
Prezident Shavkat Mirziyoyev Toshkent viloyatining Yuqori Chirchiq tumanidagi “NURA Electric” zavodiga tashrif buyurib, ishlab chiqarish jarayonlari va tayyor mahsulotlar koʻrgazmasi bilan tanishdi.
Elektrotexnika sanoatini texnologik jihatdan yangi bosqichga olib chiqish vazifalari belgilandi
Prezident Shavkat Mirziyoyev 9-noyabr kuni elektrotexnika sanoatida faoliyat yuritayotgan tadbirkorlar va xorijlik investorlar bilan muloqot oʻtkazdi.