Oʻzbekiston Prezidenti Turkiy davlatlar tashkilotining navbatdagi sammitida ishtirok etadi
Oʻzbekiston Respublikasi Prezidenti Shavkat Mirziyoyev Turkiya Respublikasi Prezidenti Rejep Tayyip Erdogʻanning taklifiga binoan 29-30-oktabr kunlari amaliy tashrif bilan ushbu mamlakatda boʻladi.
Oʻzbekiston Respublikasi Prezidenti Shavkat Mirziyoyev Turkiya Respublikasi Prezidenti Rejep Tayyip Erdogʻanning taklifiga binoan 29-30-oktabr kunlari amaliy tashrif bilan ushbu mamlakatda boʻladi.
Davlatimiz rahbari Anqara shahrida Turkiy davlatlar tashkilotining “Turk asri: tilda, fikrda va ishda birlik” mavzusidagi navbatdagi sammitida ishtirok etadi.
Tashkilot doirasida koʻp tomonlama hamkorlikni, avvalo, savdo-iqtisodiy, investitsiyaviy, transport-logistika va madaniy-gumanitar sohalarda, shuningdek, turizm, ekologiya va taʼlim yoʻnalishlarida yanada kengaytirish va mustahkamlashning dolzarb masalalari koʻrib chiqiladi.
Delegatsiyalar rahbarlari xalqaro va mintaqaviy ahamiyatga molik dolzarb masalalar yuzasidan ham fikr almashadilar.
Sammit yakunlari boʻyicha Anqara deklaratsiyasi hamda tashkilotga aʼzo mamlakatlar oʻrtasidagi oʻzaro manfaatli sheriklikni rivojlantirishga qaratilgan qator qoʻshma qaror va hujjatlar qabul qilinishi rejalashtirilgan.
O'xshash yangiliklar
O‘zbekiston Prezidenti Anqaraga jo‘nab ketdi
O‘zbekiston Respublikasi Prezidenti Shavkat Mirziyoyev Turkiya Respublikasi Prezidenti Rejep Tayyip Erdog‘anning taklifiga binoan amaliy tashrif bilan ushbu mamlakatga jo‘nab ketdi.
Sogʻliqni saqlash sohasidagi yirik investitsiya loyihalarining borishi koʻrib chiqildi
Prezident Shavkat Mirziyoyev sogʻliqni saqlash sohasiga investitsiya jalb qilish, xususiy sektor ishtirokini kengaytirish va yirik tibbiyot obyektlarini barpo etish yuzasidan taqdimot bilan tanishdi.
2026-yilgi Prezident Olimpiadasi start oldi
Prezident Shavkat Mirziyoyev 27-oktabr kuni Olimpiya shaharchasida Prezident Olimpiadasining tantanali ochilish marosimida ishtirok etdi.