Davlatimiz rahbari “Made in Uzbekistan” koʻrgazmasi bilan tanishdi
Oʻmonga davlat tashrifi doirasida Oʻzbekiston Respublikasi Prezidenti Shavkat Mirziyoyev Masqatdagi Anjuman va koʻrgazmalar markazida tashkil etilgan Oʻzbekiston sanoat koʻrgazmasiga tashrif buyurdi.
Oʻmonga davlat tashrifi doirasida Oʻzbekiston Respublikasi Prezidenti Shavkat Mirziyoyev Masqatdagi Anjuman va koʻrgazmalar markazida tashkil etilgan Oʻzbekiston sanoat koʻrgazmasiga tashrif buyurdi.
Davlatimiz rahbariga Oʻmon Sultonligi Bosh vaziri oʻrinbosari Zeyazin bin Haysam Ol Said hamrohlik qildi.
“Made in Uzbekistan” nomi bilan tashkil etilgan koʻrgazmada mamlakatimiz togʻ-kon va metallurgiya, elektrotexnika va elektronika, energetika, transport, logistika va aviatsiya, qishloq xoʻjaligi hamda oziq-ovqat sanoati sohalarida erishilgan natijalar, tayyor mahsulotlar hamda Yangi Toshkent shahrini barpo etish rejalari namoyish qilindi.
Ikki mamlakat yirik kompaniyalari vakillari qoʻshma loyihalarini taqdimot qilib, ularning amalga oshirilishi yuzasidan axborot berdi.
Prezidentimiz Oʻzbekiston va Oʻmonning yetakchi korxonalari kooperatsiyasini, oʻzaro tajriba va texnologiyalar almashinuvini kengaytirish zarurligini taʼkidladi.
O'xshash yangiliklar
Oʻzbekiston bilan Oʻmon oʻrtasida salmoqli hujjatlar toʻplami qabul qilindi
Masqat shahrida oʻtkazilgan oliy darajadagi muzokaralar yakunlari boʻyicha Oʻzbekiston Respublikasi Prezidenti Shavkat Mirziyoyev va Oʻmon Sultoni Haysam bin Toriq Ol Said huzurida ikki tomonlama hujjatlarni almashish marosimi boʻlib oʻtdi.
Oʻzbekiston va Oʻmon oʻzaro munosabatlarni strategik sheriklik darajasiga olib chiqdilar
Oʻzbekiston Respublikasi Prezidenti Shavkat Mirziyoyev va Oʻmon Sultoni Haysam bin Toriq Ol Said Masqat shahridagi “Al-Aʼlam” saroyida tor doirada uchrashuv hamda rasmiy delegatsiyalar aʼzolari ishtirokida muzokara oʻtkazdilar.
O‘mon Sultoni O‘zbekiston Prezidenti sharafiga rasmiy qabul marosimi o‘tkazdi
Masqat shahridagi “Al-A’lam” saroyida O‘zbekiston Respublikasi Prezidenti Shavkat Mirziyoyev sharafiga O‘mon Sultoni Haysam bin Toriq Ol Said tomonidan rasmiy qabul marosimi uyushtirildi.