Oʻzbekiston Prezidenti BMT-Habitat rahbari bilan barqaror urbanizatsiya sohasida hamkorlikni kengaytirish masalalarini muhokama qildi
Butunjahon urbanizatsiya forumi doirasida 18-may kuni Oʻzbekiston Respublikasi Prezidenti Shavkat Mirziyoyev BMT Bosh kotibining oʻrinbosari, BMTning Aholi punktlari boʻyicha dasturi (BMT-Habitat) ijrochi direktori Anaklaudiya Rossbax bilan uchrashuv oʻtkazdi.
Butunjahon urbanizatsiya forumi doirasida 18-may kuni Oʻzbekiston Respublikasi Prezidenti Shavkat Mirziyoyev BMT Bosh kotibining oʻrinbosari, BMTning Aholi punktlari boʻyicha dasturi (BMT-Habitat) ijrochi direktori Anaklaudiya Rossbax bilan uchrashuv oʻtkazdi.
BMT-Habitat bilan shaharlarni barqaror rivojlantirish, shahar infratuzilmasini takomillashtirish hamda shaharsozlik sohasida zamonaviy yondashuvlarni joriy etish boʻyicha hamkorlikni kengaytirish istiqbollari muhokama qilindi.
Oʻtgan yili Samarqand iqlim forumi doirasida boʻlib oʻtgan uchrashuvda erishilgan kelishuvlar ijrosi ham koʻrib chiqildi. Hamkorlikni yanada kengaytirish, jumladan, qoʻshma “yoʻl xaritasi”ni tayyorlash, sohaga oid loyihalarni ilgari surish hamda ekspertlar oʻrtasidagi aloqalarni kengaytirish muhimligi taʼkidlandi.
Oʻzbekiston Prezidenti tomonidan Butunjahon urbanizatsiya forumida ilgari surilgan tashabbuslarni amalga oshirish masalalari yuzasidan ham fikr almashildi.
O'xshash yangiliklar
Yaylovlarni tiklash va ulardan foydalanishning yangi tartibi koʻrib chiqildi
Prezident Shavkat Mirziyoyev yaylovlar degradatsiyasining oldini olish, suv taʼminotini yaxshilash hamda ulardan samarali foydalanish yuzasidan taqdimot bilan tanishdi.
Davlatimiz rahbari OHIChK sammitida ishtirok etadi
Oʻzbekiston Respublikasi Prezidenti Shavkat Mirziyoyev Ozarbayjon Respublikasi Prezidenti Ilhom Aliyevning taklifiga binoan 14-15-oktabr kunlari amaliy tashrif bilan ushbu mamlakatda boʻladi.
Issiqxona xo‘jaligiga “yashil” texnologiyalarni joriy qilish masalalari ko‘rib chiqildi
Prezident Shavkat Mirziyoyev issiqxonalar faoliyatiga “yashil” texnologiyalarni joriy qilish va ularning ekologik xavfsiz faoliyat yuritishini ta’minlash yuzasidan taqdimot bilan tanishdi.