Pokiston kompaniyasi Jizzax viloyatida zaytun plantatsiyalarini tashkil etadi
Mamlakatimiz elchixonasi tomonidan Pokistonning «WaterCon» kompaniyasi delegatsiyasining Oʼzbekistonga biznes-missiyasi tashkil etildi.
Mamlakatimiz elchixonasi tomonidan Pokistonning «WaterCon» kompaniyasi delegatsiyasining Oʼzbekistonga biznes-missiyasi tashkil etildi.
Tashrifdan maqsad «WaterCon» kompaniyasi ishtirokida Oʼzbekistonda qoʼshma loyihalarni amalga oshirish imkoniyatlarini oʼrganish, hududlardagi istiqbolli loyihalarga xorijiy investitsiyalarni jalb qilish masalalarini muhokama qilishdan iborat boʼldi.
«WaterCon» delegatsiyasi aʼzolari safar davomida Oʼzbekiston Investitsiyalar, sanoat va savdo vazirligi, Qishloq xoʼjaligi vazirligi hamda Jizzax viloyati hokimligi mutasaddilari bilan samarali muzokaralar oʼtkazdi.
Boʼlib oʼtgan uchrashuvlar davomida Oʼzbekistonda zamonaviy agrotexnologiyalarni joriy etish, qishloq xoʼjaligi mahsulotlarini yetishtirish va qayta ishlash sohalarida investitsiya loyihalarini amalga oshirish imkoniyatlari muhokama qilindi.
Muzokaralarning amaliy natijasi oʼlaroq, «WaterCon» kompaniyasi va Jizzax viloyati hokimligi oʼrtasida oʼzaro anglashuv memorandumi imzolandi.
Mazkur hujjat Jizzax viloyatining Yangiobod tumanida 500 gektar maydonda zaytun plantatsiyasini tashkil etish, zaytun mahsulotlarini yetishtirish va qayta ishlash, shuningdek, tayyor mahsulot ishlab chiqarishga qaratilgan investitsiya loyihasini amalga oshirish boʼyicha tomonlarning hamkorligini nazarda tutadi.
Loyihaning keyingi bosqichlarida zaytunni sanoat usulida qayta ishlash, tayyor mahsulotlarni qadoqlash hamda yuqori qoʼshilgan qiymatga ega mahsulotlarni «Made in Uzbekistan» brendi ostida xorijiy bozorlarga eksport qilishni yoʼlga qoʼyish rejalashtirilgan.
Tomonlar loyihani amalga oshirish uchun zarur tashkiliy va loyihaoldi ishlarini olib borish, tegishli infratuzilmani shakllantirish, zaytun plantatsiyasini barpo etish va mahsulotlarni qayta ishlash yoʼnalishlarida hamkorlik qilish boʼyicha keyingi qadamlar belgilab oldilar.
O'xshash yangiliklar
O‘zbekiston va Iordaniya — Markaziy Osiyo va Yaqin Sharqning o‘zaro yaqinlashuviga yangi sur’at bag‘ishlayotgan davlatlar
Xalqaro munosabatlar o‘zgarib borayotgan sharoitda Markaziy Osiyoning qo‘shni mintaqalar, jumladan, Yaqin Sharqning yetakchi mamlakatlari bilan sherikligi alohida dolzarblik kasb etmoqda.
“Yangi O‘zbekistonga qanot bo‘laylik!” videoroliklar tanlovi e’lon qilindi
Respublika Ma’naviyat va ma’rifat markazi xorijdagi yoshlarning Vatanga bo‘lgan mehr, iftixor va daxldorlik tuyg‘ularini ijodiy namoyon etish maqsadida “Yangi O‘zbekistonga qanot bo‘lamiz!” shiori ostida ijodiy videoroliklar tanlovini e’lon qildi.
Germaniya TIV vakili bilan uçraşuv töğrisida
2026-yil 18-noyabr kuni Özbekiston Respublikasi taşqi işlar vaziri örinbosari Muzaffar Madrahimov Germaniya Federativ Respublikasi Taşqi işlar federal vazirligining Osiyo va Tinç okeani mintaqasi departamenti boş direktori Frank Hartmann bilan uçraşdi.