O‘zbekiston tashqi ishlar vaziri Kuvaytning mamlakatimizdagi yangi tayinlangan elchisidan ishonch yorliqlari nusxalarini qabul qilib oldi

11-may kuni O‘zbekiston Respublikasi tashqi ishlar vaziri Baxtiyor Saidov Kuvaytning mamlakatimizdagi yangi tayinlangan Favqulodda va Muxtor Elchisi Turki Xolid Hamad al-Mikradning ishonch yorliqlari nusxalarini qabul qildi.

Kuvaytning Oʻzbekistondagi yangi tayinlangan elchisi Turki Xolid Hamad al-Mikrad janoblarining ishonch yorliqlari nusxalarini qabul qildik, – deb yozdi O‘zbekiston TIV rahbari o‘zining telegram-kanalida. –Oʻzbekiston va Kuvayt oʻrtasidagi koʻp qirrali hamkorlikni yanada rivojlantirish istiqbollari kun tartibimiz markazida boʻldi. 

Oʻzbekiston Respublikasi Prezidenti Shavkat Mirziyoyev Janobi Oliylarining 2025-yil fevral oyida Kuvaytga amalga oshirgan davlat tashrifi ikki tomonlama munosabatlarimizni yangi bosqichga olib chiqqanini qayd etdik. 

Koʻrfaz arab davlatlari hamkorlik kengashi hamda boshqa xalqaro va mintaqaviy tashkilotlar doirasidagi hamkorlikni kuchaytirish masalalarini ham koʻrib chiqdik. Elchi janoblariga Oʻzbekistondagi masʼuliyatli va sharafli faoliyatida ulkan muvaffaqiyatlar tilaymiz».