Qishloq xo‘jaligida xalqaro hamkorlik loyihalari haqida ma’lumot berildi
Prezident Shavkat Mirziyoyev 3-mart kuni qishloq xo‘jaligi sohasida xalqaro hamkorlikni rivojlantirishga bag‘ishlangan taqdimot bilan tanishdimMamlakatimiz qishloq xo‘jaligi sohasida samaradorlikni oshirish va bozor mexanizmlarini rivojlantirishga qaratilgan islohotlar faol amalga oshirilmoqda. Ilg‘or qishloq xo‘jaligi texnologiyalari, ilm-fan yutuqlari sohaga keng joriy etilmoqda.
Yaqinda bir guruh mutaxassislar Xitoy, Italiya va Yaponiyada bo‘lib, ularda ilmiy muassasalar, yirik kompaniya va fermer xo‘jaliklari tajribasini o‘rgandi. Natijada yangi hamkorlik rejalari ishlab chiqildi.
Ma'lumki, yuqori hosil olishning asosiy omili urug‘chilikdir. Xitoy qishloq xo‘jaligi akademiyasi urug‘chilik va ko‘chatchilik sohasida boy tajribaga ega. O‘zbekistonda 14 ta ilmiy muassasa, 55 ta urug‘chilik xo‘jaligi mavjud, biroq yangi navlarni yaratish va agrotexnologiyalarni joriy etishda jiddiy kamchiliklar saqlanib qolmoqda. Mahalliy urug‘larning samaradorligi past bo‘lgani uchun fermerlar xorij navlaridan foydalanishni ma’qul ko‘rmoqda.
Shu munosabat bilan Yuqorichirchiq tumanidagi Qishloq xo‘jaligiga xizmat ko‘rsatish markazi negizida Xitoy tajribasi asosida urug‘chilik va ko‘chatchilik tizimini yaratish rejalashtirilgan. Bunda 200 million dollar sarmoya jalb etilib, paxta, bug‘doy, sholi, makkajo‘xori, uzum, mevali ekinlar navlarini yaratish yo‘lga qo‘yiladi. Ko‘chat olishdan tortib, ekish, o‘simliklarni himoya qilish, hosilni yig‘ishtirib olish va keyinchalik qayta ishlashga qadar zamonaviy texnologiyalar va dronlar yordamida to‘liq o‘sish sikliga ega namunali hudud yaratiladi.
Qishloq xo‘jaligining dolzarb masalalaridan biri malakali kadrlar tayyorlash bo‘lib qolmoqda. Italiyaning bu boradagi tajribasi diqqatga sazovor. Xususan, Boloniya universiteti Yevropa davlatlarini kadrlar bilan ta’minlashda muhim o‘rin tutadi. Italiyadagi ilmiy institutlar xususiy sektor bilan faol hamkorlik qilib, qishloq xo‘jaligi ekinlarining moslashtirilgan va tijoratlashtirilgan sifatli navlarini yaratmoqda.
Ushbu tajribani o‘rganish uchun joriy yilda 200 nafar yoshlarni Boloniya, Tussiya, Ferrara va Piza universitetlariga yuborish rejalashtirilgan. Tushiya universiteti har yili grantlar asosida 30 nafar oziq-ovqat texnologlarini tayyorlash va O‘zbekistonda kadrlar tayyorlashni tashkil etishga hissa qo‘shishni taklif qildi.
O‘qish va mehnatni uyg‘unlashtirish dasturlari dunyoda o‘zini yaxshi isbotladi. Shunday qilib, o‘tgan yili Samarqand agrar instituti va Xalqaro qishloq xo‘jaligi universiteti hamkorligida bir guruh talabalar Germaniya va Buyuk Britaniyaga amaliyot o‘tash uchun yuborildi. Talabalarni Yaponiyaga yuborish uchun Toshkent davlat agrar va xalqaro qishloq xo‘jaligi universitetlari, Farg‘ona oziq-ovqat sanoati instituti qoshida yapon tilini o‘rganish markazlari tashkil etilmoqda.
Taqdim etilgan rejalarni qo‘llab-quvvatlagan davlatimiz rahbari Vengriya, Niderlandiya, Janubiy Koreya, Avstraliya, sohasi rivojlangan davlatlar bilan ham hamkorlikni kengaytirish zarurligini ta’kidladi. Qishloq xo‘jaligi vazirligiga hududlarda innovatsion loyihalarni ko‘paytirish dasturini ishlab chiqish topshirildi
O‘zbekiston Respublikasi Prezidentining rasmiy sayti
O'xshash yangiliklar
Uy-joy qurilishi va urbanizatsiya sohasidagi ishlar hamda ustuvor vazifalar muhokama qilindi
Prezident Shavkat Mirziyoyev raisligida 14-aprel kuni uy-joy qurilishi va urbanizatsiya sohasida amalga oshirilayotgan ishlar, mavjud muammolar va kelgusidagi ustuvor vazifalar yuzasidan videoselektor yigʻilishi oʻtkazildi.
Afg‘oniston Tashqi ishlar vazirligining Strategik tadqiqotlar markazi direktori va uchinchi siyosiy departamenti rahbari bilan uchrashuv to‘g‘risida
2026-yil 14-aprel kuni O‘zbekiston Respublikasi Prezidentining Afg‘oniston bo‘yicha Maxsus vakili Ismatulla Irgashev Afg‘oniston Tashqi ishlar vazirligining Strategik tadqiqotlar markazi direktori va uchinchi siyosiy departamenti rahbari Abdul Hay Kanit bilan uchrashdi.
O‘zbekiston tashqi ishlar vaziri AQSh Davlat kotibi yordamchisi oʻrinbosari bilan uchrashdi
14-aprel kuni O‘zbekiston Respublikasi tashqi ishlar vaziri Baxtiyor Saidov AQSh Davlat kotibi yordamchisi oʻrinbosari Kristofer Kleyn bilan uchrashdi.