Oʻzbekiston Prezidentining Gruziyaga davlat tashrifi yakunlandi
Oʻzbekiston Respublikasi Prezidenti Shavkat Mirziyoyevning Gruziyaga davlat tashrifi doirasidagi tadbirlar yakuniga yetdi. Shota Rustaveli nomidagi xalqaro aeroportda oliy martabali mehmonni Gruziya Bosh vaziri Irakliy Kobaxidze kuzatib qoʻydi.
Oʻzbekiston Respublikasi Prezidenti Shavkat Mirziyoyevning Gruziyaga davlat tashrifi doirasidagi tadbirlar yakuniga yetdi. Shota Rustaveli nomidagi xalqaro aeroportda oliy martabali mehmonni Gruziya Bosh vaziri Irakliy Kobaxidze kuzatib qoʻydi.
Tbilisi shahrida davlatimiz rahbari Gruziya Prezidenti Mixail Kavelashvili va Bosh vaziri Irakliy Kobaxidze bilan muzokaralar oʻtkazdi.
Oʻzbekiston – Gruziya doʻstlik va koʻp qirrali hamkorlik munosabatlarini yanada mustahkamlash hamda siyosiy, savdo-iqtisodiy, investitsiyaviy, transport-tranzit, turizm hamda madaniy-gumanitar sohalardagi amaliy hamkorlikni kengaytirishning muhim masalalari koʻrib chiqildi.
Muzokaralar yakunida Strategik sheriklik munosabatlarini oʻrnatish toʻgʻrisidagi deklaratsiya imzolandi. Bundan tashqari, ustuvor yoʻnalishlardagi hamkorlikni yanada rivojlantirishga qaratilgan ikki tomonlama hujjatlarning salmoqli toʻplami almashildi.
Orbeliani saroyida Oʻzbekiston yetakchisiga Gruziyaning oliy davlat mukofoti – “Oltin moʻyna” ordenini tantanali topshirish marosimi boʻlib oʻtdi.
Shuningdek, davlatimiz rahbari Tbilisi shahrida buyuk shoir va mutafakkir Alisher Navoiy haykalining ochilish marosimida ishtirok etdi.
Davlat tashrifi yakunlangach, Oʻzbekiston Prezidenti Toshkent shahriga joʻnab ketdi.
O'xshash yangiliklar
Neft-gaz tarmogʻining kuz-qish mavsumiga tayyorgarligi koʻrib chiqildi
Prezident Shavkat Mirziyoyev neft-gaz tarmogʻida navbatdagi kuz-qish mavsumiga tayyorgarlik ishlarining borishi yuzasidan axborot bilan tanishdi.
Choʻllanishga qarshi kurashish va “yashil shahar” tamoyillarini joriy etish boʻyicha takliflar koʻrib chiqildi
Prezident Shavkat Mirziyoyev choʻllanishga qarshi kurashish va choʻl iqtisodiyotini rivojlantirish, shuningdek, shaharlarda “yashil shahar” tamoyillarini joriy etish yuzasidan takliflar taqdimoti bilan tanishdi.
Toshkent shahri va Sergeli tumanini rivojlantirish hamda mahallalarda xavfsiz muhit yaratish masalalari muhokama qilindi
Prezident Shavkat Mirziyoyev raisligida Toshkent shahri, xususan, Sergeli tumanini ijtimoiy-iqtisodiy rivojlantirish va mahallalarda xavfsiz muhit yaratish masalalari yuzasidan videoselektor yigʻilishi boʻlib oʻtdi.