O‘zbekiston tashqi ishlar vaziri Seyshel tashqi ishlar va diaspora vaziri bilan uchrashdi

1-may kuni O‘zbekiston Respublikasi tashqi ishlar vaziri Baxtiyor Saidov Seyshel Respublikasi tashqi ishlar va diaspora vaziri Barri For bilan uchrashdi.

«Toshkentda Seyshel Respublikasi tashqi ishlar va diaspora vaziri Barri For janoblari bilan uchrashishdan mamnunmiz, – deb yozdi O‘zbekiston TIV rahbari o‘zining telegram-kanalida. –  Muzokaralar davomida mamlakatlarimiz oʻrtasidagi hamkorlikni izchil rivojlantirish yoʻllarini atroflicha koʻrib chiqdik. Siyosiy muloqotni faollashtirish, tashqi ishlar vazirliklari oʻrtasida qoʻshma mexanizmlarni yoʻlga qoʻyish, shuningdek, savdo-iqtisodiy va turizm sohalaridagi hamkorlikni kengaytirish boʻyicha aniq qadamlarni belgilab oldik. Dolzarb xalqaro masalalar yuzasidan ham fikr almashdik.

Uchrashuv yakunida Oʻzbekiston Respublikasi Hukumati bilan Seyshel Respublikasi Hukumati oʻrtasida “Umumiy hamkorlik toʻgʻrisida”gi bitimni imzoladik.

Ishonamizki, bu tashrif ikki mamlakat oʻrtasidagi munosabatlarni yangi bosqichga olib chiqadi».