O‘zbekiston Prezidenti Belgiya qiroli bilan uchrashdi

Bryussel shahriga rasmiy tashrifi doirasida O‘zbekiston Respublikasi Prezidenti Shavkat Mirziyoyev bilan Belgiya qiroli Filippning uchrashuvi bo‘lib o‘tdi. Saroy.

Savdo-iqtisodiy, sarmoyaviy va madaniy-gumanitar sohalarda ikki tomonlama hamkorlikni yanada kengaytirish masalalari muhokama qilindi. Xalqaro va mintaqaviy kun tartibining dolzarb masalalari yuzasidan fikr almashildi.

O‘zbekiston rahbari va Yevropa Ittifoqi rahbariyati o‘rtasidagi muzokaralarning samarali natijalarini yuqori baholab, Qirol Filipp mamlakatimiz rahbarini Yevropa Ittifoqi bilan Kengaytirilgan sheriklik va hamkorlik to‘g‘risidagi tarixiy shartnoma

imzolangani bilan samimiy tabrikladi. style="text-align: justify;">O'zbekiston-Belgiya shartnomalari izchil rivojlanib borayotgani munosabatlardan mamnunlik bilan qayd etildi. Vazirlar darajasida faol aloqalar yo‘lga qo‘yilgan, siyosiy maslahatlashuvlar muntazam o‘tkazilmoqda, ikki davlat parlamentlarida do‘stlik guruhlari tashkil etilgan.

Madaniy-gumanitar hamkorlik mustahkamlanmoqda. Toshkent va Kortriyk, Samarqand va Lyej o‘rtasida qardosh shahar aloqalari o‘rnatildi. Kortriyk shahrida buyuk olimimiz Ibn Sinoning byusti ochildi.

O‘zaro tovar ayirboshlash hajmi oshmoqda, Belgiya kompaniyalari O‘zbekistonda, xususan, to‘qimachilik, logistika va xizmat ko‘rsatish sohalarida muvaffaqiyatli faoliyat yuritmoqda. O‘tgan yili Toshkentda Benilüks Savdo palatasi ochildi.

Suhbat chog‘ida Belgiya kompaniyalarining O‘zbekistonga yangi biznes missiyalarini tashkil etish, shuningdek, o‘zaro madaniy tadbirlar o‘tkazish muhimligi ta’kidlandi.

Qirol Filipp davlatimiz rahbarini uchrashuvga taklif qildi. O‘zbekiston.

O‘zbekiston Respublikasi Prezidentining rasmiy sayti