Oʻzbekiston Prezidenti Rossiya delegatsiyasini qabul qildi
Oʻzbekiston Respublikasi Prezidenti Shavkat Mirziyoyev 7-oktabr kuni Oʻzbekiston – Rossiya Hukumatlararo komissiyasi va Hududlar kengashining navbatdagi yigʻilishlarida ishtirok etish uchun mamlakatimizda boʻlib turgan Rossiya Federatsiyasi Hukumati Raisining birinchi oʻrinbosari Denis Manturov boshchiligidagi delegatsiyani qabul qildi.
Oʻzbekiston Respublikasi Prezidenti Shavkat Mirziyoyev 7-oktabr kuni Oʻzbekiston – Rossiya Hukumatlararo komissiyasi va Hududlar kengashining navbatdagi yigʻilishlarida ishtirok etish uchun mamlakatimizda boʻlib turgan Rossiya Federatsiyasi Hukumati Raisining birinchi oʻrinbosari Denis Manturov boshchiligidagi delegatsiyani qabul qildi.
Suhbat avvalida yuqori martabali mehmon davlatimiz rahbariga Rossiya Federatsiyasi Prezidenti Vladimir Putinning samimiy salomi va eng ezgu tilaklarini yetkazdi.
Oliy darajadagi uchrashuvlar yakunlari boʻyicha erishilgan kelishuvlarni amalga oshirish masalalari koʻrib chiqildi.
Mamlakatimiz yetakchisi kuni kecha boʻlib oʻtgan Hukumatlararo komissiya yigʻilishi va Hududlar kengashining uchinchi yigʻilishi natijador boʻlganini olqishladi.
Oʻzaro savdo hajmi barqaror oʻsib borayotgani, sanoat, energetika, metallurgiya, tinch atom va boshqa sohalarda kooperatsiya loyihalari ilgari surilayotgani mamnuniyat bilan qayd etildi.
Tovar ayirboshlashni yanada kengaytirish, sanoat zonalari doirasidagi qoʻshma loyihalarni jadallashtirishga qaratilgan oʻzaro muvofiqlashtirilgan choralarni koʻrish hamda hududlar va biznes darajasidagi faol muloqotni davom ettirish muhimligi taʼkidlandi.
O'xshash yangiliklar
Oʻzbekiston Prezidenti Turkmanistonga keldi
Oʻzbekiston Respublikasi Prezidenti Shavkat Mirziyoyev 7-oktabr kuni amaliy tashrif bilan Turkmanistonga keldi.
Ta’lim va ilm-fan vazirligi faoliyatini tashkil etish bo‘yicha takliflar ko‘rib chiqildi
Prezident Shavkat Mirziyoyev Ta’lim va ilm-fan vazirligi faoliyatini tashkil etish hamda ta’lim tizimining barcha bosqichlarida amalga oshirilishi lozim bo‘lgan ustuvor vazifalar yuzasidan taqdimot bilan tanishdi.
Oʻzbekiston va Rossiya yetakchilari telefon orqali muloqot qildilar
Oʻzbekiston Respublikasi Prezidenti Shavkat Mirziyoyev 7-oktabr kuni Rossiya Federatsiyasi Prezidenti Vladimir Putin bilan telefon orqali muloqot qildi.