Oʻzbekiston Prezidenti AQShning “BlackRock” kompaniyasi bilan hamkorlikning ustuvor yoʻnalishlarini belgilab berdi
Oʻzbekiston Respublikasi Prezidenti Shavkat Mirziyoyev 7-iyul kuni “BlackRock” kompaniyasi direktorlar kengashi aʼzosi va katta boshqaruvchi direktori Adebayo Ogunlesini qabul qildi.
Oʻzbekiston Respublikasi Prezidenti Shavkat Mirziyoyev 7-iyul kuni “BlackRock” kompaniyasi direktorlar kengashi aʼzosi va katta boshqaruvchi direktori Adebayo Ogunlesini qabul qildi.
Uchrashuvda strategik sheriklikni, avvalo, yoqilgʻi-energetika sohasida yanada mustahkamlashning dolzarb masalalari koʻrib chiqildi. Kompaniyaning Oʻzbekistondagi loyihalari faol amalga oshirilayotgani mamnuniyat bilan qayd etildi.
Davlatimiz rahbari “BlackRock” kompaniyasi bilan hamkorlikning ustuvor yoʻnalishlarini belgilab berdi. Xususiylashtirish sohasida sheriklikni kengaytirish, mamlakatimizning investitsiyaviy jozibadorligini oshirish, moliya bozorini rivojlantirish, neft-kimyo tarmogʻidagi loyihalarni ilgari surish hamda sunʼiy intellekt texnologiyalariga qoʻshma investitsiya kiritish shular jumlasidan.
“BlackRock” aktivlar va jamgʻarmalarni boshqarish hamda moliyaviy xizmatlar koʻrsatishga ixtisoslashgan yirik investitsiya kompaniyasidir. 2026-yilda kompaniya boshqaruvidagi aktivlar hajmi 14 trillion dollarga yetdi.
O'xshash yangiliklar
Yaylovlarni tiklash va ulardan foydalanishning yangi tartibi koʻrib chiqildi
Prezident Shavkat Mirziyoyev yaylovlar degradatsiyasining oldini olish, suv taʼminotini yaxshilash hamda ulardan samarali foydalanish yuzasidan taqdimot bilan tanishdi.
Davlatimiz rahbari OHIChK sammitida ishtirok etadi
Oʻzbekiston Respublikasi Prezidenti Shavkat Mirziyoyev Ozarbayjon Respublikasi Prezidenti Ilhom Aliyevning taklifiga binoan 14-15-oktabr kunlari amaliy tashrif bilan ushbu mamlakatda boʻladi.
Issiqxona xo‘jaligiga “yashil” texnologiyalarni joriy qilish masalalari ko‘rib chiqildi
Prezident Shavkat Mirziyoyev issiqxonalar faoliyatiga “yashil” texnologiyalarni joriy qilish va ularning ekologik xavfsiz faoliyat yuritishini ta’minlash yuzasidan taqdimot bilan tanishdi.