Oʻzbekiston Prezidenti AQSh Prezidentining maxsus vakili bilan boʻlajak tadbirlar kun tartibini muhokama qildi
Oʻzbekiston Respublikasi Prezidenti Shavkat Mirziyoyev 16-oktabr kuni AQSh Prezidentining Janubiy va Markaziy Osiyo boʻyicha maxsus vakili Serjio Gorni qabul qildi.
Oʻzbekiston Respublikasi Prezidenti Shavkat Mirziyoyev 16-oktabr kuni AQSh Prezidentining Janubiy va Markaziy Osiyo boʻyicha maxsus vakili Serjio Gorni qabul qildi.
Oʻzbekiston – AQSh strategik sheriklik munosabatlarini yanada rivojlantirishning dolzarb masalalari koʻrib chiqildi.
AQSh Davlat kotibi Marko Rubioning Oʻzbekistonga boʻlajak tashrifi, “C5+1” formatidagi vazirlar uchrashuvi hamda Oʻzbekiston – Amerika ishbilarmonlik va investitsiya kengashining ikkinchi yigʻilishiga tayyorgarlik koʻrish masalalariga alohida eʼtibor qaratildi.
Boʻlajak tadbirlarni mazmunan boyitish, yangi tashabbuslarni ishlab chiqish va ustuvor yoʻnalishlarda qoʻshma loyihalarni amalga oshirish muhimligi bildirildi.
Qisqa vaqt ichida savdo-iqtisodiy aloqalarni rivojlantirish, investitsiyalarni jalb etish va qoʻshma ishbilarmonlik tashabbuslarini ilgari surishning samarali mexanizmiga aylangan ishbilarmonlik kengashining ahamiyati ortib borayotgani alohida taʼkidlandi.
Ikki mamlakat yetakchilari ishtirokida oʻtkaziladigan boʻlajak xalqaro tadbirlar rejasi yuzasidan ham fikr almashildi.
O'xshash yangiliklar
Davlatimiz rahbari “Voltamp Energy” kompaniyasi rahbarini qabul qildi
O‘zbekiston Prezidenti Shavkat Mirziyoyev Yoqilg‘i-energetika tarmog‘idagi investorlar kengashining birinchi yig‘ilishida qatnashish uchun yurtimizga tashrif buyurgan O‘monning “Voltamp Energy” kompaniyasi direktorlar kengashi raisi Sayyid Ayman al-Busaydiyni qabul qildi.
Xitoyning yetakchi kompaniyalari ishtirokidagi energetika loyihalarining istiqbollari muhokama qilindi
Oʻzbekiston Respublikasi Prezidenti Shavkat Mirziyoyev Yoqilgʻi-energetika tarmogʻidagi xorijiy investorlar kengashining yigʻilishi doirasida Xitoyning yetakchi kompaniyalari – “CAMCE”, “China Energy” va “Sinoma Energy” rahbarlarini qabul qildi.
Davlatimiz rahbari BAA investorlarini qabul qildi
Oʻzbekiston Prezidenti Shavkat Mirziyoyev Toshkent shahrida Yoqilgʻi-energetika tarmogʻidagi investorlar kengashining birinchi yigʻilishi doirasida Birlashgan Arab Amirliklarining yetakchi kompaniyalari rahbarlarini qabul qildi.