TIV rahbarining Yevropada xavfsizlik va hamkorlik tashkiloti Bosh kotibi bilan uchrashuvi toʻgʻrisida
21-may kuni O‘zbekiston Respublikasi tashqi ishlar vaziri Baxtiyor Saidov Yevropada xavfsizlik va hamkorlik tashkiloti Bosh kotibi Feridun Sinirliog‘lu bilan uchrashuv o‘tkazdi.
21-may kuni O‘zbekiston Respublikasi tashqi ishlar vaziri Baxtiyor Saidov Yevropada xavfsizlik va hamkorlik tashkiloti Bosh kotibi Feridun Sinirliog‘lu bilan uchrashuv o‘tkazdi.
Muloqot davomida hozirgi murakkab xalqaro vaziyatda YXHTning oʻrni va ahamiyati, uning ochiq muloqot hamda oʻzaro ishonchni mustahkamlashdagi roli xususida atroflicha fikr almashildi.
Shuningdek, Oʻzbekistonda gender tengligi, yoshlar siyosati, kiberxavfsizlik, “yashil” taraqqiyot, ekologik barqarorlik va mintaqaviy hamkorlik sohalaridagi tashabbuslarga alohida toʻxtalib, YXHT bilan amaliy sheriklikni yanada kengaytirish muhimligi taʼkidlandi.
Markaziy Osiyoda yaxshi qoʻshnichilik va oʻzaro ishonchga asoslangan yangi muhit shakllanib borayotgani uchrashuvning muhim qismi boʻldi.
Tomonlar global va mintaqaviy kun tartibidagi dolzarb masalalar yuzasidan ham fikr almashdi. Barcha mojaro va ziddiyatlar faqat diplomatiya, muloqot va xalqaro huquq normalari asosida hal qilinishi zarurligi qayd etildi.
O'xshash yangiliklar
Oʼzbekiston turkiy davlatlar bilan iqtisodiy hamkorlikni amaliy bosqichga oʼtkazdi
Turkiy davlatlar tashkilotining Аnqarada oʼtkazilishi rejalashtirilgan 13-sammiti arafasida tashkilot doirasidagi iqtisodiy hamkorlik yangi mazmun kasb etmoqda.
Turkiy dunyoda suv xavfsizligi: mushtarak manfaatlar va umumiy yechimlar
Suv — millat va davlat chegaralarini tan olmaydigan, xalqlarni oʼzaro bogʼlaydigan ulugʼ neʼmat. Iqlim oʼzgarishi, aholi va iqtisodiyotning oʼsishi, qurgʼoqchilik davrlarining uzayishi, muzliklarning qisqarishi, suv manbalarining ifloslanishi va suvga boʼlgan talabning ortishi mamlakatlardan bu hayotiy resursga munosabatni tubdan qayta koʼrib chiqishni talab etmoqda.
Markaziy Osiyoda siyosiy oʼzaro ishonch iqtisodiy kapitalga aylanmoqda
Markaziy Osiyoda soʼnggi yillarda roʼy berayotgan oʼzgarishlarni oddiy diplomatik yaqinlashuv deb baholash qiyin. Bu jarayon mintaqaning iqtisodiy manzarasini ham oʼzgartirmoqda.