O‘zbekiston tashqi ishlar vaziri Iordaniya Bosh vazir oʻrinbosari, tashqi ishlar va ekspatriatlar masalalari boʻyicha vaziri bilan uchrashdi

18-aprel kuni Antaliya diplomatik forumi doirasida O‘zbekiston tashqi ishlar vaziri Baxtiyor Saidov Iordaniya Bosh vazir oʻrinbosari, tashqi ishlar va ekspatriatlar masalalari boʻyicha vaziri Ayman Safadi bilan uchrashdi.

 «Bugun Antaliya diplomatik forumi doirasida Iordaniya Bosh vazir oʻrinbosari, tashqi ishlar va ekspatriatlar masalalari boʻyicha vaziri Ayman Safadi janoblari bilan uchrashishdan mamnunmiz , – deb yozgan O‘zbekiston TIV rahbari o‘z telegram-kanalida. – Muloqotimiz O‘zbekiston-Iordaniya ikki tomonlama munosabatlarimizga yangi surʼat bagʻishlashga qaratildi. Iqtisodiy hamkorlikni kengaytirish, turizmni rivojlantirish, birodar xalqlarimiz oʻrtasidagi aloqalarni mustahkamlash imkoniyatlarini muhokama qildik, shuningdek, boʻlajak qoʻshma tadbirlarni koʻrib chiqdik.

Oʻzaro manfaatli tashabbuslarni ilgari surishga sodiqligimizni yana bir bor tasdiqladik hamda mintaqaviy barqarorlik va taraqqiyotga oid umumiy intilishlarimizni taʼkidladik».