O‘zbekiston–Koreya siyosiy maslahatlashuvlarining navbatdagi davrasi Toshkentda bo‘lib o‘tdi
2026-yil 15-iyun kuni Toshkent shahrida O‘zbekiston Respublikasi va Koreya Respublikasi tashqi ishlar vazirliklari o‘rtasidagi siyosiy maslahatlashuvlarning navbatdagi davrasi bo‘lib o‘tdi.
2026-yil 15-iyun kuni Toshkent shahrida O‘zbekiston Respublikasi va Koreya Respublikasi tashqi ishlar vazirliklari o‘rtasidagi siyosiy maslahatlashuvlarning navbatdagi davrasi bo‘lib o‘tdi.
Delegatsiyalarga O‘zbekiston Respublikasi tashqi ishlar vaziri o‘rinbosari Mirvohid Azimov va Koreya Respublikasi tashqi ishlar vaziri o‘rinbosari Chun I Xe boshchilik qildi.
Do‘stona va konstruktiv ruhda o‘tgan uchrashuvda tomonlar O‘zbekiston va Koreya o‘rtasidagi alohida strategik sheriklik munosabatlari hamda ko‘p qirrali hamkorlikning izchil rivojlanib borayotganini mamnuniyat bilan qayd etdi.
Muzokaralar markazida siyosiy, savdo-iqtisodiy, investitsiyaviy va madaniy-gumanitar sohalardagi hamkorlikni yanada chuqurlashtirish istiqbollari bo‘ldi.
Tomonlar savdo hajmini oshirish va transport, sog‘liqni saqlash, ta’lim hamda boshqa yo‘nalishlarda qo‘shma loyihalarni amalga oshirish bo‘yicha qo‘shimcha chora-tadbirlar ko‘rishga kelishib oldi.
Maslahatlashuvlar davomida oliy va yuqori darajadagi tashriflar yakunlari bo‘yicha erishilgan kelishuvlarning amalga oshirilishi ko‘rib chiqildi hamda yaqin istiqbolda hamkorlikni rivojlantirishning ustuvor yo‘nalishlari belgilab olindi. Shuningdek, turli darajalardagi bo‘lajak tadbirlar jadvaliga alohida e’tibor qaratildi.
O'xshash yangiliklar
O‘zbekiston va Pokiston TIV rahbarlari telefon orqali muloqot qildilar
O‘zbekiston Tashqi ishlar vaziri Baxtiyor Saidov bugun Pokiston Bosh vaziri o‘rinbosari va Tashqi ishlar vaziri, senator Muhammad Ishoq Dar bilan telefon orqali muloqot qildi.
O‘zbekiston va Ozarbayjon tashqi ishlar vazirlari telefon orqali muloqotda ikki va ko‘p tomonlama kun tartibidagi masalalarni muhokama qildilar
O‘zbekiston tashqi ishlar vaziri Baxtiyor Saidov bugun Ozarbayjon tashqi ishlar vaziri Jayhun Bayramov bilan telefon orqali muloqot qildi.
Yangi Oʼzbekiston qishloq xoʼjaligidagi takomillashtirilgan tizim fermerlar manfaatlariga xizmat qiladi
Oʼzbekistonda qishloq xoʼjaligi sohasini isloh qilish boʼyicha keng koʼlamli ishlar amalga oshirilmoqda. Ushbu oʼzgarishlar nafaqat ishlab chiqarish hajmini oshirish, balki fermerlarning huquq va manfaatlarini himoya qilish, sohani raqamlashtirish hamda bozor mexanizmlarini keng joriy etishga qaratilgani bilan ahamiyatlidir.