Oʼzbekiston elchisi ва Pokiston rejalashtirish, taraqqiyot va maxsus tashabbuslar vaziri ikki tomonlama hamkorlikning yangi yoʻnalishlarini muhokama qilididilar

Oʼzbekiston elchisi Аlisher Toʼxtaev Pokiston rejalashtirish, taraqqiyot va maxsus tashabbuslar vaziri Аhsan Iqbol bilan uchrashuv oʼtkazdi.

Muloqot chogʼida Oʼzbekiston va Pokiston oʼrtasidagi ikki tomonlama munosabatlarni yanada mustahkamlash, strategik sheriklikni yangi bosqichga olib chiqish hamda oʼzaro manfaatli yoʼnalishlarda yangi tashabbuslarni ilgari surishga doir qator masalalar muhokama qilindi.

Vazir Аhsan Iqbol keyingi yillarda Oʼzbekiston–Pokiston munosabatlari tarixda misli koʼrilmagan darajada faollashganini alohida taʼkidladi. Uning aytishicha, joriy yil fevralь oyida Oʼzbekiston Prezidenti Shavkat Mirziyoevning Pokistonga amalga oshirgan davlat tashrifi ikki mamlakat oʼrtasidagi strategik sheriklik munosabatlarini sifat jihatidan yangi bosqichga olib chiqdi. Shuningdek, Oliy darajadagi Strategik sheriklik kengashining tashkil etilgani mamlakatlarmiz oʼrtasidagi hamkorlikni yanada tizimli va samarali rivojlantirish uchun mustahkam institutsional asos yaratgani urgʼulandi.

– Davlatlarimiz rahbarlari tomonidan belgilangan yuqori surʼatni barcha sohalarda saqlab qolish muhim, – dedi vazir Аhsan Iqbol. – Mamlakatlarimiz oldida hali koʼplab vazifalar turibdi. Аyniqsa, savdo-iqtisodiy hamkorlikni yanada kengaytirish, tranzit va logistika sohalarida mavjud toʼsiq hamda muammolarni bartaraf etish ustuvor vazifalardan biri hisoblanadi.

Tomonlar savdo-iqtisodiy aloqalar rivojiga salbiy taʼsir koʼrsatayotgan ayrim omillar, xususan, transport-logistika sohasidagi masalalarga alohida eʼtibor qaratdilar. Qayd etilganidek, soʼnggi yillarda ikki mamlakat oʼrtasidagi transport aloqalarini rivojlantirish borasida muayyan natijalarga erishilgan boʼlsada, mavjud imkoniyatlardan toʼliq foydalanish uchun yana qator amaliy chora-tadbirlarni amalga oshirish talab etiladi.

Shu munosabat bilan Oʼzbekiston va Pokiston oʼrtasida havo qatnovlari yoʼlga qoʼyilgani ijobiy baholandi. Аyni paytda Pokistonning xususiy aviakompaniyalari tomonidan Oʼzbekiston yoʼnalishida toʼgʼridan-toʼgʼri aviaqatnovlarni tashkil etish imkoniyatlarini oʼrganish, parvozlar geografiyasi va sonini kengaytirish muhimligi taʼkidlandi. 

Shuningdek, mintaqa uchun strategik ahamiyatga ega boʼlgan Transafgʼon temir yoʼli loyihasi yuzasidan fikr almashildi. Loyihaning texnik-iqtisodiy asoslarini tayyorlash ishlarini jadallashtirish, uni amalga oshirish boʼyicha aniq mexanizmlarni ishlab chiqish va amaliy qadamlarni tezlashtirish zarurligi aytib oʼtildi. 

Uchrashuv davomida sanoat kooperatsiyasi masalalari ham muhokamalar markazida boʼldi. Xususan, toʼqimachilik, charm-poyabzal sanoati, farmatsevtika, jarrohlik asboblari ishlab chiqarish, agrosanoat va oziq-ovqat mahsulotlarini qayta ishlash sohalarida qoʼshma loyihalarni amalga oshirish istiqbollari koʼrib chiqildi. 

Taʼlim sohasidagi hamkorlikni chuqurlashtirish masalasi ham muzokaralarning asosiy mavzularidan biri boʼldi. Oʼzbekiston taʼlim muassasalari bazasida pokistonlik yoshlar uchun oʼzbek va rus tillarini oʼqitish dasturlarini tashkil etish tashabbusi ilgari surildi. Ushbu dastur Pokiston yoshlarining Oʼzbekiston va boshqa MDH mamlakatlaridagi nufuzli oliy taʼlim muassasalariga kirish imkoniyatlarini kengaytirish, ularning til koʼnikmalarini mustahkamlash hamda akademik almashinuvlarni rivojlantirishga xizmat qiladi.