جمہوریہ ازبکستان کے پاکستان میں سفارت خانے کا بیان

پاکستان میں جمہوریہ ازبکستان کا سفارت خانہ، اسلامی جمہوریہ پاکستان کے صوبہ بلوچستان کے شہر کوئٹہ میں ریلوے لائن پر ہونے والے دہشت گرد حملے کے نتیجے میں انسانی جانوں کے ضیاع اور زخمی ہونے والوں پر گہرے دکھ اور افسوس کا اظہار کرتا ہے۔

ہم دہشت گردی اور انتہاپسندی کی ہر قسم کی سخت الفاظ میں مذمت کرتے ہیں، جن کے لیے کسی بھی قسم کا جواز پیش نہیں کیا جا سکتا۔

ہم جاں بحق افراد کے اہل خانہ اور عزیز و اقارب کے ساتھ دلی ہمدردی اور تعزیت کا اظہار کرتے ہیں، جبکہ زخمیوں کی جلد صحت یابی کے لیے نیک تمناؤں کا اظہار کرتے ہیں۔