Инфографика: Ўзбекистоннинг Жанубий Осиё мамлакатлари билан 2024 йилдаги савдоси
Сўнгги йилларда Ўзбекистон билан Жанубий Осиё мамлакатлари ўртасидаги савдо-иқтисодий ҳамкорлик сезиларли даражада фаоллашди. Ўзбекистоннинг Жанубий Осиё мамлакатлари билан ўтган йилги савдосидаги асосий ўзгаришларни Иқтисодий тадқиқотлар ва ислоҳотлар маркази инфографикасида кўришингиз мумкин.
Ўзбекистон ва Жанубий Осиё мамлакатлари ўртасидаги савдо ҳажми 8 йил (2016-2024 йиллар) ичида 2,5 баробар ўсди.
2024 йилда Ўзбекистоннинг Жанубий Осиё мамлакатлари билан ташқи савдосининг умумий ҳажми 2,6 млрд. долларни ташкил этди. Ўзбекистоннинг Жанубий Осиё мамлакатларига экспорти 8 йил давомида 2,3 баробарга, импорт эса 2,9 баробарга ўсди.
Ўзбекистоннинг Жанубий Осиёга экспорти таркиби қуйидагилардан иборат:
- Электроэнергия 91 млн доллар
- Нефть маҳсулотлари 175 млн доллар
- Транспорт хизматлари 200 млн доллар
- Дуккаклилар 250 млн доллар
- Ун 328 млн доллар
Ўзбекистоннинг Жанубий Осиёдан импорти таркиби қуйидагилардан иборат:
- Фармацевтика маҳсулотлари 324 млн доллар
- Машина ва ускуналар 234 млн доллар
- Қорамол гўшти 124 млн доллар
- Кимёвий маҳсулотлар 86 млн доллар
- Тўқимачилик ва кийим 65 млн доллар
2024 йилда Афғонистон билан товар айирбошлашда асосий улуш (умумий савдонинг 41%) Ўзбекистон экспортига тўғри келди, бу эса Афғонистонни фойдали савдо-иқтисодий шерикка айлантирди. Айни пайтда Жанубий Осиё мамлакатлари билан товар айирбошлаш бўйича 1,1 млрд долларни ташкил этди. 2024 йилда Афғонистон билан мева ва сабзавотлар экспорти 67,6 минг тоннани ташкил этиб, 124,4 млн долларга (улуши 3,3%) етди.
Ўзбекистон билан Ҳиндистон ўртасидаги савдо-иқтисодий ҳамкорлик сўнгги йилларда фаол ривожланди. Ҳиндистон Ўзбекистоннинг Жанубий Осиё мамлакатлари билан савдоси бўйича иккинчи ўринда туради. 2024 йилда икки мамлакат ўртасидаги ташқи савдо айланма ҳажми 981 млн долларни ташкил этди.
Ўзбекистон ва Жанубий Осиё мамлакатлари ўртасидаги савдо ҳажми бўйича Покистон учинчи ўринда туради. 2024 йилда Ўзбекистоннинг Покистонга экспорти қуйидаги товар позицияларидан иборат бўлди: озиқ-овқат маҳсулотлари – 192,6 млн доллар (64,4 фоиз), саноат маҳсулотлари – 57,7 млн доллар (19,3 фоиз), хизматлар – 41,6 млн доллар (14 фоиз), тўқимачилик хомашёси – 4,5 млн доллар (1,6 фоиз), ипак маҳсулотлари – 5 млн доллар, кимё маҳсулотлари – 1,8 млн доллар.
2024 йилда Ўзбекистоннинг Покистондан импорти қуйидаги товар позицияларидан иборат бўлди: кимё маҳсулотлари – 43,6 млн доллар, озиқ-овқат маҳсулотлари – 30,9 млн доллар, тўқимачилик маҳсулотлари – 5,7 млн доллар, қимматбаҳо бўлмаган металлардан тайёрланган буюмлар – 5,4 млн доллар, машина ва ускуналар – 3 млн доллар, транспорт хизматлари – 1,7 млн доллар.
Импорт таркибида асосий улушни қуйидаги товар позициялари эгаллади: дори-дармонлар – 33,7 фоиз, картошка – 8,2 фоиз, шампунь, совун ва бошқа гигиена воситалари – 5,7 фоиз, тўқимачилик буюмлари – 5,4 фоиз, кунжут уруғи – 2,8 фоиз, машина ва ускуналар – 2,8 фоиз, гуруч – 1,9 фоиз, қимматбаҳо бўлмаган металлардан тайёрланган буюмлар – 5,1 фоиз.
